அவர், பேரவை தலைவரை பார்த்து பேசாமல் உறுப்பினர்களை பார்த்து பேசினார். மக்களால் தேர்ந்தெடுக்கப்பட்ட உறுப்பினர், அவரது தொகுதி பிரச்னை குறித்தோ அல்லது பொதுமக்கள் பிரச்னை குறித்தோ பேச வேண்டும் என்றுதான் கூறினேன். யாரையும் அநாகரிகமாக பேசவில்லை.
மரண தண்டனை விதிக்கப்பட்ட பேரறிவாளன், சாந்தன், முருகன் ஆகியோர் 20 வருடங்களாக சிறையில் உள்ளனர். நளினிக்கு தூக்கு தண்டனையில் இருந்து மன்னிப்பு அளித்து ஆயுள் தண்டனையாக குறைத்ததுபோல இந்த 3 பேருக்கும் தூக்கு தண்டனையை குறைக்கவேண்டும் என்பதுதான் மக்கள் எண்ணம். எனவே, இந்த கோரிக்கை குறித்து சட்டவிதிகளை ஆய்வு செய்து உரிய நடவடிக்கை எடுக்க வேண்டும் என்றார்.
